Исроил президенти Эроннинг ҳужумини “уруш эълон қилиш” деб атади
Исроил президенти Эроннинг ҳужумини “уруш эълон қилиш” деб атади. Бу ҳақда Герцог Британиянинг Sky News телеканалига берган интервьюсида айтиб ўтди, дея хабар бермоқда zamon.uz.
"Тунда бизга Яқин Шарқнинг тўрт томонидан ҳужум қилишди, ҳужумлар Эрон ва унга содиқ кучлар томонидан амалга оширилди. Бизга дронлар, баллистик ва қанотли ракеталар билан ҳужум қилишди. Бу ҳақиқий урушга ўхшайди, бу уруш эълон қилишдир", — дея фикр билдирди Исроил президенти.
Суҳбат чоғида президент Эрон ҳужумига мамлакатнинг жавоби қандай бўлиши мумкинлиги ҳақидаги саволга тўғридан-тўғри жавоб беришдан қочди. Герцогнинг сўзларига кўра, Исроил барча вариантларни кўриб чиқмоқда.
Реклама на Unews
"Халқимизни ҳимоя қилиш ва бунинг учун зарур чоралар кўришимизга ишончим комил. Биз уруш қидирмаяпмиз, биз тинчлик тарафдоримиз", — дея қўшимча қилди Герцог.
Эслатиб ўтамиз, Эрон 14 апрелга ўтар кечаси Исроилга қарши юзлаб ракета ва дронлар ёрдамида Исроилга ҳужум уюштирди. ЦАХАЛ уларнинг аксариятини уриб туширишга муваффақ бўлганини билдиpди.
Eng qaynoq xabarlar bilan TELEGRAM kanalda birinchilarda xabardor bo'ling.
