ЖССТ Хитойда болалар ўртасида авж олаётган касаллик бўйича баёнот берди
Бир неча кундан буён ОАВларда Хитойда болалар номаълум хавфли касалликка учраётган ва касаллик мамлакат бўйлаб тез авж олиб бораётгани хабар қилинмоқда.
Жаҳон соғлиқни сақлаш ташкилоти маълум қилишича, Хитой ҳукумати мамлакат шимолидаги болалар орасида пайдо бўлган келиб чиқиши номаълум пневмония кластерларини ўрганиш чоғида “ғайриоддий ёки янги патогенлар”ни аниқламади.
Аввалроқ Хитойнинг нодавлат ОАВлари мамлакатнинг айрим ҳудудларидаги болалар шифохоналари касал болалар билан тўлиб кетгани ҳақида хабар берган эди.
Реклама на Unews
"Хитой расмийлари ноодатий ёки янги патогенлар ёки ғайриоддий клиник кўринишлар аниқланмаганлигини ва юқорида айтиб ўтилган нафас олиш касалликларининг умумий ўсишига бир нечта маълум патогенлар сабаб бўлган", дейилади ЖССТ эълон қилган баёнотда.
ЖССТ маълумотларига кўра, жорий йилнинг октябрь ойидан бошлаб Хитой шимолида гриппга ўхшаш касалликлар сони сўнгги уч йилнинг шу давридаги энг юқори кўрсаткичга айланди. Пекин бу эпидемияни анти-Ковид чораларини бекор қилиш билан боғлайди.
Хитой расмийларига кўра, ҳозирги вақтда нафас йўллари касалликлари сонининг кўпайиши шифохоналар юкининг ортишига олиб келмади, дея қўшимча қилди ЖССТ.
Реклама на Unews
Ташкилот, шунингдек, Хитой аҳолисини инфекцияни тарқалиш хавфини камайтириш учун эҳтиёт чораларини кўришга чақирди.
ЖССТ "вазиятни яқиндан кузатиб бораётганини ва Хитойнинг миллий органлари билан яқин алоқада эканлигини" айтди.
Eng qaynoq xabarlar bilan TELEGRAM kanalda birinchilarda xabardor bo'ling.
