Тошкент метросида қизга шилқимлик қилган йигит 5 суткага қамалди
2024 йил 9 апрель куни Тошкент шаҳар жиноят ишлари бўйича Чилонзор тумани судида метрода ўзига нотаниш қизга шилқимлик қилган йигит устидан суд ҳукми ўқилди.
1999 йилда туғилган Х.А.нинг айтишича, "Пахтакор" метро бекатидан "Новза" бекатига қараб ҳаракатланган, метро ичида одамлар кўп бўлгани сабабли бир-бирига тегиб турган. Х.А. ўша вақтда ўзи билмаган ҳолда қизнинг белдан пастки қисмига тегиб кетганини, ҳозирда қилган ишидан пушаймонлигини, унга нисбатан енгиллик беришни сўради.
Жабрланувчи қизнинг маълум қилишича, метрода кетаётган вақтида Х.А. унга нисбатан уятли ҳаракатлар қилган. Қиз дастлаб метрода одам кўп бўлгани сабабли орқасида турган қиз боланинг сумкаси тегиб кетган деб ўйлаган, сўнгра унга яна тегина бошлаганида Х.А.нинг қўлидан ушлаб олган. Гаплашиб олиш мақсадида Х.А.нинг орқасидан борганига қарамасдан йигит қочиб кетган. Жабрланувчи ҳуқуқбузарга нисбатан қонуний чора кўришни сўраган.
Реклама на Unews
Суд Х.А. Маъмурий жавобгарлик тўғрисидаги кодекснинг 41−1-моддасида (Шаҳвоний шилқимлик) назарда тутилган ҳуқуқбузарликни содир қилган деб топиб, унга нисбатан 5 (беш) сутка маъмурий қамоқ жазоси тайинлади.
Eng qaynoq xabarlar bilan TELEGRAM kanalda birinchilarda xabardor bo'ling.
