Prezident G‘alaba bog‘idagi Shon-sharaf muzeyini ko‘zdan kechirdi

4599 09-05-2020 0 O'zimizda

Shon-sharaf muzeyida shonli tarix o‘z ifodasini topgan. Tarixiy fakt va voqealar zamonaviy texnologiyalar, interaktiv usullar yordamida aks ettirilgan, deb yozmoqda "Sof.uz" nashri.

Shavkat Mirziyoyev muzey ekspozitsiyasi bilan tanishdi. Bu yerdagi eksponatlar Ikkinchi jahon urushidagi G‘alabaga katta hissa qo‘shgan xalqimizning jasoratini tarannum etishga, yosh avlodni vatanparvarlik ruhida tarbiyalashga xizmat qilishini ta’kidladi.

- Bu muzeyning paydo bo‘lishi adolatning tiklanishi demakdir. Tariximizning bir qismi bo‘lgan urush voqealarini bir joyda namoyon etadigan bunday maskan yo‘q edi. Bu ishlardan maqsad-muddaoimiz - xalqimizning Ikkinchi jahon urushidagi G‘alabaga qo‘shgan buyuk hissasini tarixga muhrlab qo‘yish, yosh avlodlarga yetkazish. Yuz yillardan keyin ham odamlar kelib, urush voqealari va oqibatlarini, tinchlik qadrini bilishi kerak, - dedi Prezident.

Muzey oltita bo‘limdan iborat bo‘lib, 1-bo‘limda respublikamiz aholisining frontga safarbar etilishi, jang maydonlaridagi jasorati aks ettirilgan. Ikkinchi bo‘lim “O‘zbekiston – front uchun ishonchli tayanch qo‘rg‘oni” deb nomlangan. Keyingi bo‘limda urush yillarida yurtimizdagi ilm-fan, ta’lim, madaniyat, sog‘liqni saqlash sohalari namoyish etilgan. 4-bo‘lim “Urush va g‘alaba haqida xotiralar, xalqning quvonch va shodligi” deb atalgan bo‘lsa, navbatdagi sho‘’bada urush yillaridagi badiiy adabiyot, san’at va matbuot haqida hikoya qilingan. «Mardlar jasorati mangu yashaydi» nomli 6-bo‘limdan 33 jildlik «Xotira» kitobi, shuningdek, bayram munosabati bilan nashr

Shavkat Mirziyoyev Shon-sharaf muzeyida har bir qo‘mondonlikning o‘z joyi bo‘lishi, ilmiy tadqiqotlar o‘tkazib, ularning ekspozitsiyalarini to‘ldirib borishi zarurligini ta’kidladi. Harbiy xizmatchi va kursantlarni, yoshlarni bu yerga olib kelib, ularda mardlik, fidoyilik ruhini shakllantirish bo‘yicha tavsiyalar berdi.

Shavkat Mirziyoyev "Ilhaq" filmi haqida nima dedi? (VIDEO)

Tramp koronavirusning o‘z-o‘zidan yo‘qolib ketishini aytdi

Google va Facebook xodimlariga 2021 yilgacha masofaviy ishlash imkonini berdi

Bu ka'bi muhim xabar va yangiliklar bilan Telegram kanalimizda  birinchilardan ta'nishib boring!