Saudiya Arabistoni 1 noyabrdan xorijlik ziyoratchilarning Umraga kelishiga ruxsat berdi

Фуқаролари Умра ибодатини адо этишига рухсат бериладиган мамлакатлар рўйхати ҳозирча эълон қилинмаган.

 

Саудия Арабистонида салкам 8 ойлик танаффусдан сўнг хориж фуқароларининг Умра ибодатларини адо этишига рухсат берилмоқда. Шу кунларда қирол Абдулазиз номидаги Жидда халқаро аэропорти Ҳаж ва Умра учун мўлжалланган терминалини қайта ишга туширишга тайёрламоқда. Бу ҳақда интернет манбаларга таяниб Yuz.uz ёзди.

Реклама на Unews

 

Терминал ҳудудида қарши томонга кетаётган одамлар юзма-юз келмаслигини таъминлаш учун бир томонлама ҳаракатланиш ташкил этиляпти, ижтимоий масофа сақлашни таъминлашга қаратилган ишлар бажариляпти.

 

Реклама на Unews

Умра зиёратларини қайта йўлга қўйиш уч босқичда амалга оширилади. 4 октябрдан бошланган биринчи босқичда кунига 6 минг нафаргача маҳаллий фуқаролар ва резидентларга ибодат амалларини адо этишга рухсат берилганди. 18 октябрдан бошлаб бу кунлик чеклов 15 мингга оширилди.

 Биринчи ноябрдан амал қиладиган 3-босқичда кунига 20 минг зиёратчи муқаддас амалларни бажариши мумкин бўлади.

Ислом дунёсининг бош масжиди – Макка шаҳридаги Масжидул-ҳаром октябрь ойи ўрталарида карантиндан сўнг қайта очилди. 1 ноябрдан унга кунига 60 минг нафаргача мусулмон кириши мумкин бўлади.

Eng qaynoq xabarlar bilan TELEGRAM kanalda birinchilarda xabardor bo'ling.


Fikr qoldiring